صابونة القهوة بتعمل اية

لصابونة دى حلوة قوى للقضاء على السيليوليت - فى الذراعين و البطن و الارداف - و كمان الخطوط و التشققات البيضة و الوردية اللى بتبقى على الارداف


مكونات الصابونة
1 ملعقة جنزبيل + 1 ملعقة قرنفل مطحون + 1 ملعقة زيت قرنفل + 3 ملاعق كبيرة بن + 1 صابونى جلسرين مبشورة + 3 ملاعق ماء ساخن



نبشر صابونة الجلسرين

نحط الجنزبيل + القرنفل + زيت القرنفل فى كسروله على نار هادية جدا

نضيف البن

نضيف الماء الساخن و نقلب

نضيف الصابون على الخليط و نقلب لحد ما الصابون يدوب

هتبقى عامله زى صوص الشيكولاته










نصبها فى قوالب - انا بستعمل علب الزبادى الفاضى بعد ما بحط جواها فويل

و ندخلها التلاجة لحد ما تجمد - ممكن نسيبها طول الليل -

لازم نسيبها يوم كامل برة فى الهواء علشان تنشف و متبوظش لما تستخدميها حاسبى بس الولاد يفتكروها بسكوت بالشيكولاته



طريقة الاستعمال
تدلك المناطق المراد تنحيفها بالصابونة بشكل دائرى و يتم عمل مساج باليد أو بفرشاة االمساج

تلاحظ النتيجة خلال اسبوعين من الاستعمال اليومى المنتظم - اول مرة استخدمها كنت بستعملها مرتين فى اليوم و فعلا فرقت معايا جدا لانى كنت كمان بستعمل معاها فرشة مساج

يارب الموضوع يعجبكم و تستفيدو منه

الكاتب : ......اخبركو.....