مطبخ منال

اول وصفة لااحلى منتدى

بصوا يا بنات انا جيبلكم وصفة من مطبخ منال العالمى
نبتدى الوصفه:
1/2 ك جمبرى وسط او كبير
2 بصله مقطعه شرايح بس متفرطيش الحلقات عن بعضها
2 لمونه شرائح
ملح-فلفل اسود-كمون-كسبره ناشفه
الطريقه:
1-ينظف الجمبرى ويقشر مع محاوله الاحتفاظ بالذيل لانه بيخلى شكل الصنيه فخم.بس لو معرفتيش مفيش مشكله.وخلى بالك نضفى ظهر الجمبرى بانك تشقى ظر الجمبريايه بالسكينه وتشيلى الخط الاسود اللى موجود بسن السكينه.وبعدين اغسلى الجمبرى بالملح والخل و الدقيق وبعدين اشطفيه بالميه و سبيه يتصفى

2-رصى حلقات البصل فى الصنيه
3-تبلى الجمبرى بالملح والفلفل والكسبره والكمون
4-رصى الجمبرى فوق البصل احنا عايزين الجمبرى يستوى على بخار البصل
5-وزعى شرائح اللمون فوق الجمبرى
هيكون شكلها كده


6-غطى الصنيه و حطيها على النار لد ما الجمبرى يستوىزبس خلى بالك متقلبيهوش بعنف عشان ميتهريش ومتزوديش السوى عشان الجمبرى مبيقاش زى المطاط
قدميها مع ارز اصفر او ارز كبسه
انا عملت معاها سمكه بالول محشيه فى الفرن
اللى تجربها تدعيلى انا و احبابى بالستر و الصحه
اللهم اعتقنا فى رمضاننا هذا